Xclusive Splash's: Jawan Movie Review- My View Point, Rocky Aur Rani Ki Prem Kahaani- My View Point ! Pathaan Movie- My View Point,Tamasha Movie: My View Point; !

Wednesday, July 6, 2011

Pyar ka Monsoon-Story by Neelesh Misra from Rewind-Band called Nine

Neelesh Misra

Mujhe  Badi Shikayat thi,Maine to bhaiya usse keh diya,
Tumhari aankhein baatein bahut karti hai,Bak Bak Bak Bak Bak Bak.
Wo kehti-Jyada Mat bolo,Jis aankhein rooth gayi,tumse katti kar li,us din pata chalega.

Pyar ke din the,Pyar ki dophare,Pyar ka Monsoon
Pyar ka january,Pyar ki Sardiyaan.

Yaar,Kabhi Kabhi lagta hai jaise yeh sardiyaan bas aashiqon ke liye bani hai,.
Wo shaul me lipti,kajal se saji aankhon se mujhe ek-tak dekhti.
Thand me kap-kapati ungliyon se garam chai ka pyala aur zor se pakadti.
Hawa ke har jhonke par thithurti,
Sard kaapte hothon se garam dhuan nikalti.
Purani khidki pe khade hoke der tak meri raah dekhti.

Monalisa se kam kaha thi wo,
Hasi majak,chedd ke din,Ab guzar gaye the.
Ab hum hanger se ladayi nai karte the,
Ab hum dosto ke sath baith ke,
Mej ke neeche chori se paer ke anghuthe chuaane ki koshish nai karte the.
Ek dusre ko ULLU keh ke dhakka nahi dete the.

Lagta tha jaise ki achanak hum bade ho gaye the.
Main achanak uske sharmeele haathon ki chuan padhne laga tha.
Mai achanak yeh jaanne laga tha ki,
Bata ke canvas shoes pehan ke mere darwaaje par sehmi sehmi dastake kiska pata poochti hai.
Main achanak uski baatuni aankho ki khoobsoorat khamoshiyan padhne laga tha.

Jaruri bhi tha,aakhir wo khud kuch kehti hi kaha thi.

Din guzarte gaye,Dil ka rasta lamba tha,to padav bhi badhte gaye.
2 musafir milte the,
Kabhi greeting card ki dukan pe,
Kabhi lote wale ke yaha dahi-jalebi khaate huye,
Kabhi post-office me stamps lene ke bahane,
Kabhi raashan ki dukan pe,cheeni lene ke bahane,
Kabhi black me ticket leke vishal theatre me,balcony ki seat pe.

Film ke beech me,ek din mere kandhe pe sir rakh ke wo rone lagi,
Boli phir se ek rishta aaya hai.
Main sunta raha.
Interval me maine kaha-Yaar ek bewkoofi bhara idea hai,
Usne sir utha ke aansuo me nam aankhon se mujhe dekhte huye kaha-
Tumhre saare ideas bewkoofi ke hi hote hai.

Maine kaha-Bhaag ke Shaadi kar le,
Wo kuch second mujhe dekhti rahi.
Peeche campa-cola wala order ka intezaar kar raha tha.
Boli-Tumhara yeh aaj tak ka sabse bewkoofi bhara idea hai.

Boli-Kaathgodaam ki bus 5 baje jaati hai,
Aur waha se Delhi ki train saade nau(9 30) baje.

PURI FILM BHI NAHI DEKHNE DI USNE

You can hear the story in the voice of Neelesh Misra Here


9 comments:

  1. Dear MR Nilesh So Sweet ur story and amazing
    All parts of Pyar ka mansoon ............so SWeettttttttttttttttt.........


    Brijesh

    ReplyDelete
  2. nilesh ji aapki kahaniya mujhe bahot acchi lagti hai n=main roj unhe sunta hu aur kosis karta hun ki aap ki wo kahaniyan main roj record kar sakun . kal yaani 24.04.2013 wednesday ko aapne jo story sunaai thi main wo record nahi kar saka , main us kahani ka naam n uske writer ka naam jaanna chahta hun taaki main us kahani ko apne paas likh kar rakh sakun .



    Prabhat Srivastava
    Ghaziabad

    ReplyDelete
  3. I hv a story .. plz make it heart touching by giving ur voice ..how to send it to u ?

    ReplyDelete

  4. Very Very Nice & cheerful Stories


    ReplyDelete
  5. Neelesh ji aapki voice bohot sweet h, apki stories bohot achhi hoti hai

    ReplyDelete
  6. Ur story is nice

    ReplyDelete
  7. neelesh mishra..apki hr ek story hrt touchng hoti h.i lyk ur all stories.

    ReplyDelete
  8. neelesh mishra apki hr story hrt touching hoti h.i almost listen ur stories.thanx..

    ReplyDelete

LinkWithin

Related Posts Plugin for WordPress, Blogger...